何廣沛開心share幾張掟蛋糕相，相中班後生仔竟然唔敬老，把雪梨姐個頭塞入蛋糕，搞到佢成塊面都係cream，個個仲笑得好鬼開心。
何廣沛話呢場係《食腦喪B》一場戲，本來一班後生仔在前輩面前唔夠膽亂來，不過雪妮姐就一句霸氣「有咩唔得呀」，於是先有呢場忌廉蛋糕大戰，何廣沛仲話：「你又點會估到雪妮姐肯同我地班後生玩到咁喪呢？成班都癡線架～成班都喪架～」
講到演喪屍余陽光，何廣沛話有一場戲好難忘，「看劇本嘅時候，對如何扮演一隻豬完全沒有信心同想法，特別要喺中環鬧市四腳爬爬，還記得當時第一波疫情爆發，街上路人全部人心惶惶，對住我呢個怪人喺馬路上扮豬爬，個個都用奇異嘅眼光望住我，令我呢隻豬仔真心好驚驚，謝謝編劇們天馬行空的想法，讓余陽光可以咁『喪』！」
圖片來源：何廣沛＠instagram
