現年38歲的吳浩康 (Deep) 出道20年，感情生活更是多姿多采，他還與視后胡定欣、莊鍶敏、鍾舒漫、李昭南以及崔碧珈拍拖，情史十分豐富。早日Deep被爆出與曾參選港姐，35歲的郭思琳（Margiela）秘戀，昨日更傳二人奉子成婚，並已於上月低調入紙申請註冊結婚，
Deep回應今次雙喜臨門，即將組織家庭的他表示：「多謝大家的關心，我好開心和大家分享呢個喜訊，我要結婚了！我遇到一個理想的另一半，所以我們決定一齊行埋我們的人生。」
問到將榮陞爸爸，Deep感謝大家的祝福，「自己嚟緊都面臨一個好大嘅挑戰。因為我要做爸爸了。而家開始都有好多嘢需要學習，無論喺生活上，同另一半相處上。無論喺任何事上面都有好多需要學習，而家都係學習當中。好期待。再一次多謝大家嘅祝福，好開心同大家分享呢件事，喺疫情底下大家都好唔容易，希望大家都身體健康，好好保重。」而其舊愛鍾舒漫亦大方祝福他，「恭喜佢哋希望佢哋，同BB都健康快樂。」
未婚妻Margiela亦感謝大家祝福，她指與Deep月中會註冊，「因為疫情下婚禮有限聚令，好多親朋戚友都冇得嚟觀禮，所以我哋諗住註冊會一切從簡，等疫情穩定翻啲先再邀請番親朋戚友補辦喜酒。」她透露BB現時剛好12週，「依家可以同大家宣布有喜喇。每次去照超聲波見到BB又大咗啲，感覺好神奇。我覺得懷孕後情緒起伏大咗，好似變番個細路女咁..可能見到Deep喺廚房煮緊早餐我食，我會感動到喊；臨瞓前佢對住我個肚講嘢，即使佢講啲野好好笑都好，我又會喊一餐。不過最開心嘅係有咗之後Deep比以前更遷就我，同埋佢成個人成熟咗同開心咗好多。」
