吳浩康昨日（24日）在海洋公園水上樂園舉行《Deep Reborn》演唱會，一口氣唱出二十多首金曲，全場1200名歌迷非常熱情，提早入場霸位！Deep開騷前表示自己感冒未清，多謝太太代照顧囝囝：「因為太太病得仲嚴重過我，但佢為咗可以俾我提早入住酒店，自己一個人照顧小朋友。頭先囝囝第一次見我駁髮，佢都呆一呆好似唔認得我咁。」Deep未有打算讓囝囝上台，因為擔心他被音響嚇怕：「因為舞台啲音響都有翻咁上下勁，我又買漏咗耳罩俾佢，唯有下一次先。頭先台上冇多謝太太，因為個騷嚴重Over run，如果我要多謝佢，恐怕講到11點都講唔完。」
Deep特別邀請地盤工友睇騷，還透露兄弟有點唱，不過他沒實體現對方願望：「佢地點唱《到底發生過甚麼事》，如果唱佢地啲心水，就要成Part改歌，會加重隊Band嘅負擔，所以唯有下次先。依家一場就未夠喉，我同主辦傾緊加場定轉場，好似轉場開心啲！紅館唔一定嘅，但下次係更大嘅場地。」
Deep既要兼顧歌手身份，又要做地盤工，坦言時間編排最苦惱：「我都計劃出新歌，點都要搵時間出嚟，多謝老闆嘅體諒！至於歌手定地盤開工好搵，呢啲視乎你工種，慢慢咪後再探討。」
