陳煒今日以代言人身份出席醫美醫生老公陳國強的診所簽約儀式，一身透視裝的她十分性感，她更請來鄭則仕、鮑起靜、譚俊彥、姚子羚、陳曉華、徐榮、黃子恆撐場，雖然老公則未有現身記者會及簽約儀式，但應記者要求在場外與煒哥合照，問到煒哥今次幫老公生意代言有冇俾優惠價，「咁又冇，酬勞仲比平時高，因為都係公司定嘅價碼，不過今次就比平時辛苦，雖然唔係我本人嘅生意，但參與度好高，因為除左影相代言外，還要搞埋幕後嘅工作，原來自己落手搞一個記者會，真係困難重重，始終係老公有份投資的生意，我要求會更高，都會親力親為。」至於一身性感打扮，老公有冇意見，「老公好少理我衣著方面，況且保持好身型都係想有不同形像，呢套衫都係噚晚先着過一次俾佢睇，佢無意見。」
更多現場圖輯：
