近日上映由葉念琛執導的新片《不是你不愛你》，早前在尖東拍攝一場男主角「家偉」陳昊森為救「子欣」林熙彤（Hazel），慘遭其偷食男友「細威」力臻與流氓圍毆抱頭躺地，幸好「阿寶」譚旻萱（Mandy）及時趕到，用掃把以一敵三，成功解圍。
力臻與譚凱倫（Helen）客串演出大叫好玩。拍攝結束Helen還未抽離到角色，不斷稱呼戲中男友力臻做「BB」，還展示她送給對方的唇膏印，笑說：「我哋都有激烈場面㗎！」提到剛才毒打陳昊森，力臻坦言場面相當混亂，「其實我有啲『食花生』，雖然我係大佬，但有啲笠水，主要係睇住啲手下出手！」反而被Mandy用掃把打比較深刻，他笑指對方太斯文，不敢太過用力，「我叫佢出力啦！」原本站在遠處的Mandy立即衝過來，忍不住插嘴：「佢哋（副導演）仲叫我大力啲K落去，我心諗真係會K爆頭，明明已經好痛。」
拍攝前各人都認真聽從武術指導安排，試位和排練，雖然以鏡頭角度遷就，沒有真正打到陳昊森身上，但他亦戴好保護用墊。因為是圍毆又用腳踢，為免混亂中誤傷陳昊森，力臻和戲中的大隻仔手下都顯得有點留力，效果不夠狠；之後他們嘗試不同打鬥動作，陳昊森亦叫大家放膽打，即使真的打到他亦有保護，無需擔心，結果順利完成。