張繼聰(阿聰)與謝安琪(Kay)結婚12年,兩個寶貝仔女出生後都愛得甜蜜,更不時於社交網放閃。阿聰趁住《復仇者聯盟4》上映,就同老婆阿Kay到主題公園感受電影熱潮,佢仲帶埋囝囝張瞻以及三個同學仔入場玩機動遊戲。
雖然無得享受二人世界,阿聰兩公婆仍玩得十分盡興,佢留言:「今日玩得好開心,四位少男表現出無限嘅動力,我同太太亦寶刀未老。」
難得同太太去到童話式樂園,阿聰亦趁小朋友去玩樂時,把握機會與老婆自拍,佢喺Instagram貼出閃爆合照, 見阿聰向鏡頭嘟長嘴,Kay則冧得挨老公住膊頭,二人相當Sweet!
圖片來源:張繼聰@Instagram