許廷鏗（Alfred）、衛蘭（Janice）和鍾舒漫等昨晚（14日）出席《埋班作樂II》作品展。早前經歷過失聲的鍾舒漫，問到再上台唱歌有否壓力？她表示：「唔係完全零壓力，係有正常上台唱歌嘅緊張，係興奮嘅緊張。」
鍾舒漫與Janice及王君馨是教友，又是閨密，她透露聖誕未到，已經與姊妹們出席布道會兼報佳音，初時以為Janice要工作，誰知Janice突然驚喜現身，便一起報佳音。
至於將在年底舉行演唱會的許廷鏗（Alfred）表示，今次演唱會並無刻意瘦身減磅，笑言現在才開始減也太遲，承諾若將來再踏紅館的話，定會積極瘦身，但並非為騷肌。雖然Alfred唔騷肌，不需要為減磅而煩惱，不過他近日卻忙於練舞深感壓力，因為粉絲覺得他在新歌《假面具》MV中舞姿好有型：「大家好期待我演唱會點跳，但其實MV我只跳咗一part，跳全首有壓力，希望唔好令粉絲失望，少少信心，能夠跳晒全首就當係新年禮物。」
Alfred又透露現跟新排舞師WinWin合作，指WinWin有讚他跳得好：「其中有個16歲Dancer問我以前係咪學過跳舞，我唔小心行咗去跳唱添，希望攞返個跳唱新人，哈哈！」
