由郭偉亮（Eric）、方力申，及J2ers陳欣茵及胡美貽主持的《鋪鋪Poker》，今晚（17日）播出最新一集，請來陳靜（Dada）和JW（王灝兒）擔任嘉賓。
Dada未正式開戰時雖然與眾人有講有笑，但到正式落場一刻則變出「Poker Face」，無論揸靚牌或爛牌均不動聲色，令小方高呼：「我唔信女人㗎喇，依家！」Dada心理質素穩健，一邊把玩「賭神戒指」，一邊自爆兩大玩牌宗旨：「輸人唔輸陣」及「有信心唔一定贏，但冇信心一定會輸！」其中一局Dada與Eric對決，完全展現了Dada藝高人膽大一面。面對Dada的大膽落注，出名冷靜的Eric亦一度被嚇至口窒兼猶豫不決，不過Dada未有因而收手，更以電眼直視Eric「宣戰」，嚇得Eric直呼：「好耐冇試過咁長時間望住一個女仔。」
雖然Dada玩Poker膽識過人，但拍拖就並非橫衝直撞。Dada早前出席公開活動時透露仍是單身，但與Eric分享愛情觀期間卻因忍不住甜笑露端倪，她認為拍拖最緊要是另一半開心，Eric聞言即打蛇隨棍上追問：「咁你依家開唔開心？」Dada難掩甜笑並簡單說了「開心」兩字，Eric隨即調皮地恭喜Dada，場面搞笑！
JW全程被Dada搶盡風頭，難得她依然全程笑哈哈，並大方暢談近況。JW直認因拍攝劇集《痞子殿下》戲癮大發，相比起歌唱事業，更希望於演戲方面獲取獎項，她說：「我恨攞最佳女主角㗎」。JW對自己演技信心爆棚，坦言除了「被強姦」角色，什麼角色也樂意挑戰，但被問到會否想飾演強姦別人角色時，她則笑說：「睇吓個對象係邊個囉，哈哈！」
