星媽車婉婉近日頻頻為3歲的囝囝 Justus（BBQ）找節目，早前她帶愛兒到拳擊中心體驗Boxing，趁機讓小朋友放放電，舒展一下筋骨。原來婉婉亦為BBQ安排了較文靜的興趣班，今日她在IG貼出囝囝人生第一幅畫作，並笑說「小吃貨」BBQ連畫畫都掛住食。
婉婉寫道：「Q MaMa諗住俾BBQ坐定啲，Focus啲，所以參加畫畫班，剛剛上第一堂，去接佢嘅時候，見到佢有作品，當然已經非常滾動，大家又知唔知佢畫乜？老師話問佢想畫乜，佢開頭都話想畫MaMa，但係諗諗吓，BBQ先生就好Firm咁話要畫雪糕，係佢自己食緊士多啤梨雪糕呀⋯⋯救命！所以，吃貨就係吃貨，角色貫徹。」網民都讚說BBQ的畫作十分生動，「BBQ先生真係有藝術天份」、「畫得好靚呀！重伸埋條脷出來」。
圖片來源：車婉婉@Instagram