無綫明晚（5日）播出資訊節目《警聲百二秒》的一集《拆彈豪心》，請來袁偉豪（Ben）客串演出，節目中講述Ben的角色一心想成為拆彈專家，及後在專人指導下，了解拆彈專家執行任務時的重要工具及裝備，除了可遠距離拆彈的拆彈機械人，還有重達100磅的防爆衣。身穿百磅防爆衣的Ben在拍攝現場的動作雖然有點緩慢，但仍無損其專業演出，更按劇情需要嘗試彎身。Ben受訪時笑言穿上防爆衣後會「慢半拍」：「嗰套衫係重嘅，又緊身，加埋個頭盔嘅話，基本上我活動能力會好慢。但爆破衣入面其實有相應嘅透氣設施同風扇，所以喺現場拍嘅時候都舒服嘅，同埋好彩拍嗰日比較凍，都係幾難忘嘅經歷。」問到「重」裝翌日有否腰酸骨痛，Ben則說：「又冇太攰，因為只係着一陣，只係會有啲攰。」
其實這已是Ben第二度演出《警聲》，之前他先後以「恤衫無賴」Look及「斯文奸險」Look飾演電話騙徒，無論是呃人時的「虛情假意」、對受害人如此容易上當的不屑，及得逞後的奸笑均演得甚有喜感，完全放下偶包。問到Ben拍攝是否過足戲癮時，他笑言其實十分期待再演喜劇：「我自己好鍾意做喜劇嘅，今次扮騙徒好多嘢都係即場Jam出嚟。我自己最後一次做喜劇已經係《棟仁的時光》，都成五年喇，呢幾年都係演啲沉重啲嘅角色，我都期待嚟緊可以做多啲喜劇。」
