薛家燕連任禮籃廣告代言人，早前家燕姐為新廣告拍攝，更有神秘嘉賓現身贈興。家燕姐開心地說：「拍廣告期間，有個神秘嘉賓出現，就係我孫仔（Julian），我新抱帶佢嚟探班，今年又係我個仔（Jackson）幫手拍攝，我一見到孫仔就問佢，『要唔要同我唱《皆大歡喜》呀？』佢就嘻嘻嘻，Julian同我哋玩咗一陣間，我都想佢入埋鏡，當然個仔話『唔好啦！』(事前知唔知孫仔嚟探班？）我唔知㗎！幾好呀，拍攝好順利呀！個孫都帶旺我㗎！今次我會以《食神》味公主造型現身。」
家燕姐鍾意熱鬧，往年開年、做節都會一家人食飯慶祝，盤菜更是必備，家燕姐話：「盤菜我哋一定食嘅，第一好方便，第二一齊食嘢好熱鬧，今年新年都準備食盤菜，咁撈起更加要啦！最緊要係風山水起。」
