昨晚（19/11）的《萬千星輝賀台慶》設有「台慶大利市」抽獎環節，分別由邵初、曾比特、譚嘉儀、陳嘉俊、姚子羚、吳卓衡、炎明熹、潘靜文獲得，原本林溥來（Patrick Sir）也中獎，卻因為超時未有現身領獎而被取消，由吳卓衡補上。
到底Patrick Sir當時在哪？他在IG解畫，表示：「多謝大家為我着緊，我收到無數message，都係『你去咗邊呀？』哈哈‥‥‥我唔係去咗餵奶，係出咗去便利店幫我個好拍擋買水飲啫。」原來那位好拍檔就是朱凱婷，他以兒子Preemo身份「呻」道：「傻佬Dadidi去咗幫人買水，錯失台慶利市$25000，真係見『財』化『水』！」粉絲都替他感到可惜，「枝水值25000‥‥‥真值飲」、「仲要係幫人買，終於感受到咩叫唔係你財唔入你袋，真係唔抵」，也有人送上安慰，「你幫助咗朋友，你日後實接到好多Job揾到好多」、「當做善事，當捐咗佢」、「咁你唔使因為中獎而請人飲飲食食嘔凸都算係慳咗」、「2.5K買到強大知名度，有賺有賺」。
朱凱婷知道Patrick Sir因為幫她買水而錯失大利市，深感愧疚，並表示被笑喝全城最貴的水，每喝一口水都會計算值多少錢，「我已經第一時間同Patrick Sir道歉，佢冇怪我。」她憶起當時抽中Patrick Sir時，已急忙致電通知，但最後還是等不到，於是決定若自己中獎的話，會分一半予他，可惜自己沒有中獎運，又承諾會請對方吃飯補償，「老公提議我哋請佢食飯，我就同佢講請唔起佢食$25000，但$2500就一定得。」
部分圖片來源：林溥來、朱凱婷@Instagram
