無綫「後生仔」藝員林正峰與游嘉欣曾合作劇集《香港愛情故事》、《青年心城之撐起青春》、《青春不要臉》，當中不泛感情線，有傳二人因多次合作而撻着。林正峰最近與拍拖三年的女友Yuki分手，早前他與游嘉欣亦相當有「默契」地同時確診新冠肺炎，康復後又相約遊大澳，更不避嫌地各自將照片分享至社交平台，令撻着傳言甚囂塵上。
林正峰與拍拖三年的Yuki甩拖：
林正峰與游嘉欣同遊大澳：
對於疑幻似真的緋聞，林正峰回應：「我同游嘉欣暫時真係冇發展嘅可能，經過呢兩三年無間斷嘅合作，我哋變咗好朋友，好難可以更進一步。二人限聚令下，想找一個一齊停工嘅工作好拍檔外出運動加影相，非佢莫屬啦，加上我哋大家都確診完康復咗。」提到與Yuki拍拖三年卻分手收場，他表示：「我同前女友已經分咗手一段時間，因了解而分開，沒有因為其他人，曾經我亦有盡力挽留過，但事與願違。現在只想專注工作。」
雖然林正峰回復單身，但游嘉欣明言沒有發展機會，解釋同遊大澳亦只是剛好大家放假時間配合到，「其實真係冇咩特別，只係正常朋友活動，影到靚相咪Post。」她認為與林正峰只屬好朋友關係，很難發展，會祝福他以後找到幸福。
圖片來源：林正峰、游嘉欣@Instagram
