Advertisement

老公50+1愛的宣言 陳煒神秘禮物贈嘉賓

本地
2022.09.27
撰文:吳迦

whatsapp-image-2022-09-27-at-2-36-46-pm-5

陳煒與陳國強醫生昨晚在半島酒店的婚宴,有五十多台親友出席,大家見證好友嫁了好男人,人人都替她高興。婚宴前,先有一個交換戒指儀式,穿了婚紗的新娘子由恩師鄭偉強陪同下進場,鄭生就將煒哥交到陳醫生手中,並説:「你一定要好好對佢,如果唔係我唔會放過你。You are a lucky guy!」煒哥與陳醫生在眾親友見證下交換戒指,並且在眾人起哄下三度親吻,好sweet!

whatsapp-image-2022-09-27-at-2-36-46-pm-1


陳煒先向在場親友道謝及發言,「今晚到嚟嘅全部都係好錫我同陳醫生嘅朋友,首先要好感激鄭偉強先生陪我進場,响呢度無人比佢更有資格。因為佢係主宰我呢26年嘅演藝人生嘅好重要嘅一個人,當年如果唔係佢喺垃圾桶執返我份報名亞洲小姐履歷資料,就肯定冇今日嘅陳煒。 」之後煒哥又特別感謝曾勵珍及鮑起靜的疼錫,鮑姐聽到後更眼濕濕。

whatsapp-image-2022-09-27-at-2-36-46-pm-9
輪到新郎陳國強發表愛的宣言,:「要多謝嘅人,佢都講晒。我想講,我以前叫佢Honey,但今日之後會改口,叫佢陳太或者老婆。過往佢陪伴咗我4年,呢段時間係我人生中,最開心嘅日子,多謝你,I love you!」説到這裏,全場都已拍晒手掌。然後續說:「同埋我想喺呢度回應佢之前講50年不變嘅報道,我喺度講我係會50年+1日不變,嚟緊呢段時間都會錫你、寵你、愛你!」在場所有人士都很滿意這段愛的宣言,而煒哥亦回應陳醫生絕對是一個很細心的好老公。最後拋花球環節,在場只有兩位單身女士,在朱晨麗及江美儀的熱烈競爭下,結果由朱晨麗成功奪得。
whatsapp-image-2022-09-27-at-2-36-46-pm-11
而新娘子及新郎更為到場賓客預備了獨一無二的紀念品,現場設置了互動體驗 Perfume Bar,即時因應各人的喜好調配出一份心儀的香氣回禮。另外主人家亦為晚宴的所有來賓精心準備了一份神秘禮物,每人都會有一個刻有嘉賓名字的香檳金絲絨盒,裏面裝滿着新人的心意,當中有相架、香水、金屬戒指碟、糖果、朱古力、曲奇餅等等,實在非常窩心。

whatsapp-image-2022-09-27-at-3-33-48-pm whatsapp-image-2022-09-27-at-3-33-48-pm-1

聲夢傳奇 姜濤 陳卓賢
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹