Coffee前日在社交平台上載一段視頻，影片中，Coffee老公抱着哭得非常淒涼的翟伯伯，指着兩張枱仔問翟伯伯要哪一張？Coffee寫道：「唔知以為佢被迫要同女朋友分手⋯」
故事從一張枱仔開始，「話說呢張$49嘅枱，由我同我老公一齊開始之前，已經跟住我老公，然後搬咗三間屋張枱依然喺度，到BB出世之後都一直係度，最近張枱終於都要退休，因為佢嘅枱腳爛咗，我期待咗好耐，因為一路都睇佢唔順眼，所以我好開心訂咗張新款嘅枱仔，但我唔明點解bb可以咁固執，仲瞓喺上面話要每一日都要黐住張枱……」
Coffee邊拍片邊笑說翟伯伯的長情性格似爸爸，說他老公也是用啲嘢用十年都唔捨得換。「呢個舉動令我諗起我老公，只要習慣咗就永遠都唔肯再換，適應力極低；我之前見老公護照套爛成咁，買咗個新嘅俾佢諗住佢會好開心，佢死都唔肯換，然後問我如果我有一日又老又殘，係咪都想佢換咗我？okok chill,why so serious man？」Coffee不斷氹翟伯伯，叫佢接受「新朋友」（新款枱仔），可惜伯伯依然不為所動。
事隔一日，Coffee上載伯伯的新照片，「呢個背影，睇嚟叔叔今日都會喺露台度過，點解係都要搞到好似啲業主霸權案咁，但睇吓叔叔枝飲管幾有霸氣，之後我哋仲一齊睇雀，好疏肝。」她公布舊枱仔的終極命運：「你哋都好關心張枱嘅最新消息——我同佢達成咗協議放咗喺露台。」
圖片來源：Coffee@Instegram