《童時愛上你》昨晚播出第10集，重點落在Ding哥（張振朗飾）及爆基（關曜儁飾）兩兄弟，劇情講到Ding哥以為爆基偷電話，破口大罵兼怒摑了爆基一巴，兄弟反目；後來Ding哥發現自己誤會了細佬，兩人在拜祭父母時，Ding哥向爆基道歉，但爆基反過來打了他一拳，並揚言要斷絕兄弟關係，Ding哥激動回應：「你唔係我細佬你得咩？我都想你啱番一次俾我睇，我有冇講過唔要你呢個細佬吖？我得番你一個親人咋！」最終兩兄弟大和解，跪在墳前對着亡父亡母道歉兼承諾照顧彼此，爆基就像小朋友般攬實Ding哥爆喊，場面感人。
關曜儁（Leo）於2015年投考藝訓班入行，去年憑《陀槍師姐2021》Hang基一角為人熟悉，今次在《童時》中戲分頗重，亦成功憑着鬼馬演出引起關注。Leo與振朗在劇中的兄弟情相當感人，原來現實中亦是「真兄弟」，Leo曾為振朗擔任健身教練而結緣，年初向女友求婚時，振朗也有到場撐兄弟，足見感情要好。
這次與好兄弟振朗合作，Leo坦言雖然過癮，但同時亦感到壓力很大，他說：「佢每件事都想做到好好，同埋佢係一個好鍾意傾戲嘅人，傾親戲冇一個鐘都落唔到樓，感受到佢對演戲真係好有熱誠，感染到我都唔可以馬虎。」Leo在振朗身上學到不少東西，並感激振朗幫助他揣摩角色：「每場戲都會傾大家點演，就算見唔到面都會用電話傾，佢仲幫我分析個角色點樣可以做好啲，俾咗好多意見我，出到嚟效果咁好，佢佔咗好大功勞，同埋學識咗除咗要演好自己嘅角色，仲要令到對手都做得好，呢個係今次最大得着。」其中墳場破冰戲非常感人，Leo直言是他最喜歡的場口：「首先我未去過墳場拍戲，同埋呢場戲我要帶住好委屈嘅情緒去做，冇人了解到自己，講唔到心裏嘅感受，最後要對住過咗身嘅爸爸、媽媽先講得出，內心好難受。」
