洪永城太太梁諾妍（Inez）是一位健身教練，從懷孕到臨近分娩，都積極做運動，從沒疏懶。她在去年十二月二十三日誕下女兒「洪寶寶」Amber，作為新手媽媽，雖然忙碌，但坐完月後，便重新keep fit，難怪已逐漸回復昔日的標準身材。
這天她在社交平台分享做產後運動的片段，做深蹲動作時，雙手更抱着「洪寶寶」，她卻似全無半點負擔，比起與她一同運動的工人姐姐更加輕鬆。她寫道：「唔好睇少呢半個鐘，我同工人姐姐都爆晒汗，動作之間嘅休息時間最好係30秒內，記住保持呼吸。」
她又提醒初學者：「有睇開我ig highlight 嘅就知道，姐姐第一次做squats 之後肌肉痠痛咗足3日～今次係佢第二次做，已經比第一次好好多啦，因為開始喚醒緊啲肌肉（雖然動作可以再正確啲，會慢慢再糾正），而今次workout 後佢最大感覺係前膊同胸大肌位置，動作做得啱先會有痠痛感，所有動作都好適合產後同初學者，大家可以跟住做，做完邊個位置有痠痛不妨同我分享吓。」
部分圖片來源：梁諾妍@Instagram
