《瑪姬 x 鄧健泓 Max Your Love 慈善音樂會》日前圓滿結束，瑪姬表示一直好欣賞 Patrick 的超級靚聲和獨特的咬字方式，亦感激對方爽快答應擔任嘉賓，對此鄧健泓在音樂會上直言：「其實原因好簡單，就係因為妳之前喺《勁歌金曲》做導賞員時讚過我老婆，所以我覺得呢個人情係要還嘅！」瑪姬笑言自己「種善因、得善果」。
慈善音樂會海報出街後，網民紛紛留言點唱，瑪姬表示：「我同網民都一致好想聽 Patrick 現場唱《直上》同《朋友二號》，多謝 Patrick 亦順應民意壓軸連續唱晒呢兩首經典作品，好正！」
由上月開始，瑪姬發起這系列的慈善音樂會，每場都會邀請不同的慈善組織合作，而當晚所籌得的善款不扣除任何成本，全數撥捐受惠機構「大樹下」以救助流浪貓狗。瑪姬透露原來這次是由家中育有三隻狗狗的鄧健泓促成合作，「Patrick 知道我要搵受惠機構，即刻話想將今次善款捐畀大樹下，令成件事變得更有意義。」
當晚鄧健泓太太 Sukie 石詠莉全程做「跟得夫人」在鏡頭後默默支持丈夫，瑪姬表示羨慕不已：「每次 Sukie 出騷都一定見到愛妻號 Patrick 管接管送、悉心照顧，今次到老公做嘢，Sukie 就坐足全晚，仲同我講想陪住老公，嗰種恩愛簡直係羡煞旁人。」
