王菀之（Ivana）《初回限定》世界巡迴音樂會澳門站日前舉行。Ivana以沒有和音與舞者，只透過燈光、著名音樂人Edward Chan領軍的5 人樂隊現場伴奏下，以她空靈透徹的歌聲，帶動全場1600觀眾！
Ivana以分享她入行的音樂為題，在連唱了《Love Has It All》、《詩情》及《小俠》後，先與澳門歌迷打招呼，「呢個場好大，我記得我喺呢到睇過《天鵝湖》，多謝大家嚟到我第十三場，澳門朋友大家好！多謝大家咁多年支持我嘅音樂，我唔鍾意用出咗道幾多年咁講，我想話用我創作咗幾多歌，即係會好有資歷咁，多謝大家！」
Ivana笑言音樂會是以「分享」出發，用心為歌迷挑選歌單，在自彈自唱以感恩為題的新歌《Shattered》時，她深情分享了自己的創作心得，「喺地球唔同角落，有啲人嘅生活會好悲慘，好刻苦，我寫呢首歌係想提醒自己，可以嘅話要選擇善意。」隨即Ivana開始彈奏，但彈了兩粒音，突然叫停：「Sorry等等先，出咗事個琴，唔好意思變咗disco⋯⋯我鋪墊咗咁耐個氣質入位宜家落咗disco，呢十秒大家抹咗佢。」