張敬軒《REVISIT》演唱會昨晚（23日）來到第三場，軒公於台上獲歌迷頒贈《我最喜愛男歌手》大獎，獲得全場歡呼拍掌。另外，今早十時演唱會主辦方更開賣所有放寬防疫位，門票瞬即被搶購一空。
軒公昨晚安歌了兩首歌，全場觀眾還是不肯離場，最後安歌了三次。在第二次安歌時，歌迷全部跑到台邊圍着他，其中一名歌迷送上一個紙製的「叱咤我最喜愛男歌手大獎」，軒公領獎後笑道，「多謝聖誕流流送個紙紮俾我，送個木我都唔介意，你知唔知將佢放喺西營盤專門賣紙紮用品嘅舖頭，真係毫無違和感！好靚！我會放喺我studio，多謝你！」然後他高舉獎項，並說：「無論今年有冇機會上台，我都當我自己拎咗啦！反正現場觀眾都係差唔多咁上下人數！多謝大家！」軒公之後再唱出《我的天》，又與觀眾大合唱，氣氛high爆！
當軒公返回後台後，觀眾仍是不停叫安歌，連本來已經離開的觀眾都重返場館，結果盛情難卻之下，他再次出場，「我先要多謝會展，佢哋剛同我講，話我再出來都可以，唔加收我費用！你哋咁樣無限安歌，你知唔知上次演唱會之後，我已經俾行家、歌手、連掃地個姐姐都鬧，話我做壞規矩。」最後，他送上《明明他已離開你》，觀眾才願意離開。
