本周六（4月1日）是張國榮（哥哥）離世20周年，無綫除一連三個周末推出以《永遠寵愛張國榮》為主題的特備節目，及精選了三套哥哥電影作品播放外，無綫官方社交平台亦找來炎明熹（Gigi）清唱哥哥四首經典金曲，分別為《為你鍾情》、《今生今世》、《風繼續吹》及《追》，均由Gigi親自挑選，是次獻唱更是「零修音」原裝直出，相當厲害。
片段中Gigi素顏眼鏡look上陣，她受訪時透露原來是其本人意願：「因為See Saw先（平台）嘅觀眾睇得最多就係我呢個樣，我同工作人員都覺得咁樣出鏡可能對佢哋嚟講更有親切感。其實我都唔係好鍾意化妝出鏡，呢個係我最舒服嘅狀態。」
工作人員又指對自己「精益求精」的Gigi，曾主動要求「重錄」致敬獻唱片段：「原本上星期拍咗一次，但Gigi覺得自己當時把聲爭咗啲，因為嗰日做完嘢有啲攰，佢就主動要求過幾日再錄過，好有誠意、對自己好有要求，亦都希望以最好嘅狀態向哥哥致敬。」
今晚還會播出Gigi為每首歌錄音前，認真研究最適合清唱的key、人聲及音樂聲應如何配合，試key時又會眼仔睩睩邊錄邊諗點fine tune。Gigi對工作人員態度亦相當友善，全程與大家有商有量之餘，於錄畢所有歌曲後亦有禮貌地向工作人員道謝：「感謝大家，辛苦晒！」錄音期間又一再為自己認真打氣：「我可以嘗試嘅！」，有禮又可愛，難怪工作人員都封她做「幕後開心果」。
