泳兒（Vincy）今年最後一首作品《無能為力》今日（27日）上架，該歌是她今年「祝福三步曲」的最終章。Vincy說：「作為我年尾最後一plug ，加上倒數幾日就到2024，呢首歌我想送俾自己同所有喺今年曾經有過一種無力感嘅你。」泳兒表示一如之前兩首歌，團隊都是先確定了「無能為力」這四個字及主題，歌曲名字看似負面，其實「負中帶正」，她說︰「簡單嚟講，就係假如我哋感覺夠了無能，可能就會化為力量，所謂無能者的力量。」Vincy續說：「然後提醒我哋，當感到冇能力，或者有人覺得你冇能力嘅時候，正係你最需要力量嘅時候，唔好睇輕自己，亦都唔好俾人睇輕你，要將無能轉化為力量。」
MV以大量CG製作，因為當中有很多創世、末日的影像。MV導演Shing指出，相比以往兩首祝福歌，這次更直接，他說：「觀眾一睇就知。末端出現嘅天使，唔係我哋平時諗嘅樣，係比較可怕，可能係怪物，但我想表達嘅係，其實怪物都係人類創造出嚟，死神、末日都係一樣。」Vincy坦言想以音樂表達出凡事都有反面，「死有生，天堂有地獄，所以『無能有力』。」