洪永城老婆梁諾妍（Inez）現已懷孕9個月，早前二人正式宣布今胎佗女，B女「洪寶寶」預計聖誕前出世。Inez上星期出席活動時大爆廿四孝老公變了緊張大師，已執拾3個「走佬袋」，隨時迎接囡囡到來。Inez昨日趁着陽光普照，穿上短袖衫及短褲坐在窗邊，露出孕肚享受日曬，而愛犬Molly陪伴在側，十分寫意。Inez寫道︰「Friday morning，有太陽唔好嘥，3個一齊曬。謝謝Molly借張牀我瞓。識著著晒另一半啲瞓覺衫超方便。後面真係有3個走佬袋。」
圖片來源：梁諾妍@Instagram
