梁競徽（梁烈唯）今個月26日登四，日前一班好友莊思敏、韓君婷、文雪兒、黃建東、龐景峰、范文雅及張啟樂等人齊齊同佢慶生，而「麻辣女神」更為唯唯準備咗一個火辣辣嘅火鍋生日蛋糕。
壽星仔唯唯呢日唔只有得食，仲有得聽麻辣女神專登為佢唱嘅生日歌，Amy亦代火鍋店股東黃曉明送上自家設計的公仔作為禮物。派對過後，唯唯表示今日有得玩，有得拎，有得食係非常開心，而踏入3月佢已經去咗唔少生日飯局，切咗好多個生日蛋糕，好感激各方好友嘅好意。問到正日生日會點慶祝，唯唯就透露生日正日將會喺工作中渡過，至於生日願望就係希望家人身體健康，事事順利，還有觀眾們會喜歡他的新劇。
