Jer受訪時表示，因疫情關係沒試過和粉絲於大型生日會慶祝，感到很開心，之後會和家人食飯慶祝，若生日不用開工會開直播。問到生日願望？他說：「想開多啲騷，唱多啲歌同歌迷分享。（想找到真愛？）隨緣，冇得強求，𠵱家工作行先，緣份到就到，冇話要幾時拍拖。」他自爆昨晚與Edan（呂爵安）打牌輸了1000元，最後Edan不收錢，但要求新牌仔的他當司機載回家。
對於隊友姜濤日前公開表演時，惹網民熱議咪嘴還是墊底聲大，Jer也有留意，聽公司講是播錯有人聲版本，見姜濤在現場見到小朋友好開心，也是姜濤性格，Jer說：「佢一向鍾意小朋友，佢係好專業嘅表演者，好想做到專業表演俾大家睇，大家唔使擔心，佢將來一定會愈來愈叻仔同專業，大家見證佢成長同進步，唔使諗唔開心嘅事，我有睇過片，又唔覺得佢超級尷尬。」
