林子善三口子賀結婚5周年 陪囡囡學校旅行開心感恩

林子善帶妻女回到當日婚宴的酒店食自助餐慶祝，開心回憶返晒嚟。

林子善於正在熱播的劇集《隱形戰隊》表現獲高度評價，獲好兄弟馬國明力撐看好攞「最佳男配角」。子善在演藝圈多年，一直非常勤力並敬業，贏得不少讚賞與友誼；私底下他是好兒子、好弟弟、好老公和好爸爸，孝順顧家及為家庭付出。

子善在《隱形戰隊》表現獲高度評價。

前日（3日）是子善與老婆Kary結婚5周年的日子，他昨日（4日）在社交網貼上與妻女開心合照，留言：「二零一八年四月三日，我同老婆嘅結婚日子，好搞笑早兩日我問佢，老婆五周年去邊食飯？佢呆一呆似唔記得咗，我問佢似唔記得咗喎！佢話真係忙到唔記得，我心諗想跣我冇咁易，演技真係略為浮誇咗。我問你想去邊到慶祝？佢冇所謂我靈機一觸，不如去食好啲自助餐，去返我哋結婚嘅地方。琴晚一家食得好開心，去到仲見到結婚當日，幫我哋打點酒席高層，好開心啲回憶返晒嚟」！

+3

陪囡囡學交旅行，一家三口都開心幸福。