林奕匡（Phil）2021年全新EP《Philosophy》，將以深入淺出的角度，跟大家談一場「匡」式哲學。
Philosophy，哲學，顧名思義，今次 Phil 的全新 EP 就是充滿哲學性！但千萬不要被這個命名嚇親，覺得會是高不可攀、難以理解的課題，身為填詞人的Oscar反指是很大眾化的內容。「我只係想大家用好普及嘅層面去反思自己嘅生命哲學：時間係咩一回事？思考係咩一回事？愛係咩一回事？以上種種喺日常生活入面，又即係發生緊乜嘢事？我想透過 Phil 嘅音樂同大家分享想法。」Phil 很喜歡今次這個概念完整的 EP。「呢隻碟喺上年年尾已經定咗個方向，有咗概念先去寫歌，係好事，而且成個過程中我嘅 input 亦係咁多年嚟最多，好似《時間的囚犯》同埋《關於愛的碎念》，都係自己提出題材，正因為參與度高咗，學到嘅嘢亦更多。」
另外，繼 Phil 上一首《關於愛的碎念》MV邀得網絡頻道「試當真」的阿慈（倪安慈）當女主角後，今次「添食」，再找阿慈參演《解答》的MV。Phil 笑言今天是辛苦了阿慈：「好少可搵同一個女主角拍兩個MV，好多謝佢。今次有一場要佢喊，係實實在在要喺個海度喊，阿慈負責演迷惘沉重嗰方面，我係開解佢嗰個人，辛苦佢喇！」
