東京奧運女子重劍團體賽今日展開，由江旻憓、佘繕妡、連翊希及朱嘉望組成嘅港隊喺五至八名排名賽31：42不敵美國後，轉戰七至八名排名賽，同俄羅斯奧委會爭奪第7名。（圖片來源：明報 楊柏賢攝）
東京奧運女子重劍團體賽今日展開，由江旻憓、佘繕妡、連翊希及朱嘉望組成嘅港隊喺五至八名排名賽31：42不敵美國後，轉戰七至八名排名賽，同俄羅斯奧委會爭奪第7名。
港隊喺最後一場排名賽，面對俄羅斯奧委會前場落後7：10， 其後江旻憓打出一局6：2，助團體收窄至15：16。之後朱嘉望及佘繕妡分別打出2：6及3：3嘅成績， 比賽再拉開至20：25， 落後5分。江旻憓最後再次上陣追平，更喺加時環節以28:27反勝，名列第七完成東京之旅。
江旻憓賽後表示已經放開打，多謝大家嘅鼓勵同祝福，又再稱對唔住大家，要大家一齊感受輸嘅滋味，佢表示會再努力練習，未來目標係全運會同亞運會，希望唔再令大家失望。佘繕妡則表示之後將到美國繼續學業，未能參與全運會。
圖片來源：明報、江旻憓、佘繕妡、連翊希、朱嘉望＠Instagram
