杜德偉（Alex）昨晚（19日）應邀出席慈善音樂會，在台上連唱三首經典情歌包括《擦身情緣》、《無心傷害》及《Because I love you》，他表示聽聞這夜有很多其母校聖保羅書院的師弟到場：「就算有好多師弟，年紀相差應該好遠，我1978年畢業，應該好多才90後畢業吧，時間過得好快，人生好快，一轉眼由20幾歲，好奇怪就已經到60歲。」
Alex過去一年走到新加坡、上海等內地城市舉行巡唱，下一站就會是5月到台北小巨蛋，並透露：「其實我係好希望能夠喺紅館開，明年就是入行40周年，香港係我事業生命嘅開始，所以希望明年能夠喺香港紅館攞到期，作為我40周年的世界巡迴演唱會第一站。」
