Advertisement

有個閨密叫祖藍|王祖藍訪八大嘉賓有共通點 李亞男「監場」定三不規條

本地
2022.07.23

01

王祖藍主持的全新綜藝節目《有個閨密叫祖藍》,將於月底播映,祖藍很有異性緣,為了節目碌盡人情卡,舊雨雲集先後雲集其中,年齡層亦覆蓋甚廣,最年輕的有人氣急升的炎明熹(Gigi),最資深代表則是苑瓊丹。

根據無綫近日發布的官方預告片,節目中的另外六位嘉賓是蔡少芬、胡杏兒、薛凱琪、 容祖兒、楊千嬅及陳松伶。八位女嘉賓都有共通點,與祖藍一樣「夠晒無聊」,小小事都可以玩到癲。為了讓八位嘉賓聊得盡興、玩得過癮,祖藍刻意將拍攝日程安排得非常忙碌,每集嘉賓除了要完成指定的「閨密任務」,更要按節目組及祖藍「心情」額外被加碼其他小遊戲,當中有小學雞級別的、「互相傷害」Mode、「真情」Mode、烹飪鬥室及時光倒流情景題等,務求讓觀眾及嘉賓每一刻都有驚喜。

祖藍受訪時笑言:「拍呢個節目真係好忙,都辛苦節目組度咗咁多嘢出嚟。最搞笑係,每個上完嚟嘅嘉賓,都同我投訴話:『乜唔係上嚟傾偈架咋咩?點解忙得咁緊要架?好攰呀!』」祖藍在宣傳片中與女嘉賓有不少親密接觸,坦言不怕觸怒太太李亞男,笑說:「我老婆識咗我咁耐,都知我真係有唔少異性好友,但佢相信我係清白嘅。不過佢為咗安心起見,都喺節目一開始透過節目組同我約法三章,仲定埋『三不規條』,係咩就唔講住,大家睇第一集就知㗎喇,亞男同我囡囡都會周不時喺節目『客串』。」祖藍又透露拍攝過程最讓他驚喜的,是有些「閨密」的心事因透過這個節目才知曉:「好似第一集嘉賓蔡少芬咁,原來佢嬲過我嘅,但我當時真係完全唔知,我事後聽番都覺得自己好過份。」節目拍攝期間正遇內地爆疫情,祖藍表示邀約嘉賓及拍攝過程阻滯重重,幸好節目最終能順利完成,並希望能為觀眾帶來歡樂。

陳卓賢 MIRROR 聲夢傳奇
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹