曹敏寶到新城節目《原來生活好快樂》受訪，阿寶在節目中真情吐心聲，指當年為結婚相夫教子，決定隱退，但沒想到有產後焦慮症，「服用咗一段時間焦慮症藥物，體重急升至165磅，好彩在朋友鼓勵下，參加咗《中年好聲音》，重拾歌手夢，不過比賽中，好大壓力，體重由150磅急跌110磅，當宣布我被淘汰出最後10強，心情如釋重負！」
至於阿寶早被傳與同為第一季學員的梁浩銓傳出不倫之戀，雖然二人均表態否認，但一向為朋友兩脇插刀的阿寶，談到友情話題時，當場真情淚崩，「就算我俾幾多荊棘拮到，我都唔會改變我自己嘅性格，呢個就係曹敏寶囉！對唔住呀……我可能好傻，但如果你要我做個虛偽嘅人呢？我做唔到囉！」她再堅持貫徹自己率真性格，「你要曹敏寶假，絕對冇可能！」
