本港暴雨持續，雨量打破香港天文台紀錄，不少市民揸車遇上馬路水浸，一班藝人亦不例外。容祖兒昨晚（7日）與好友蔡卓妍（Sa）、鍾欣潼（阿嬌）一同入場觀看阿嬌主演的新戲《女子監獄》，不過散場時撞正暴雨。祖兒駕車送阿Sa回家時遇上水浸，她在IG上載片段並留言︰「好驚我架車死火！到處都變成河流，路面有唔同嘅大型垃圾，啱啱仲見到個石油氣罐添。完全看不清楚道路，大家真的要小心回家。嚇死我了！」 阿Sa亦有在IG分享三人睇戲的合照和暴雨經過，她在貼文寫上：「阿祖揸車變咗揸船！好彩佢食過夜粥咋，大家都安全返到屋企。」
祖兒的好友鄭希怡（Yumiko）坐車回家時，除了遇上座駕死火，更有水湧入車內，她分享片段及留言︰「好大雨，我架車死咗火，依家啲水已經浸到入車了…」
另外，何雁詩的住所亦同樣遭殃，她拍下家門外走廊的水浸情況，寫上：「人生未試過拖咁耐地！尋晚臨瞓前發現屋企開始水浸，好在發現得早，仲有師傅 係裝修時提我地要起嘅門檻，咁先無全屋氾濫！咁大個女都未見過香港有咁嚴重嘅水浸 ，大家真係要小心呀！希望大家都平安平安辛苦啦！！」
相片來源：容祖兒@Instagram ，鄭希怡@Instagram ，蔡卓妍@Instagram
