拍MV穿六吋高踭連環仆落地 李靖筠新歌向《咒怨》取經

Gladys表鍾意hip hop或者trap嘅類型，所以今次有呢個機會作曲好開心。

李靖筠（Gladys）今日（27日）推出全新歌曲《00000》。Gladys這次亦有參與作曲部份，不過曲風跟過去的歌曲大相逕庭，Gladys表示這才是她最喜歡的風格，「之前嘅歌都偏向文青、小清新或者係大路情歌嘅方向，我自己反而係鍾意hip hop或者trap嘅類型，所以今次有呢個機會真係好開心。」她又指這次作曲過程更好玩更輕鬆：「因為自己平時都係聽開呢類型嘅歌，所以作曲嘅過程反而冇之前咁有壓力。」

Gladys透露在創作新歌的時候，腦海中浮現出一些低音節拍，這都是源自她受驚慄電影所熏陶。每當這類電影的劇情推進至片尾的懸疑氣氛時，就會出現一首hip hop或trap的歌曲去打破當刻的繃緊氣氛，這種狀態便是她嚮往的音樂，她說：「加上呢幾年吸收唔少hip hop、trap養份，當中包括AUDREY NUNA、bbno$同Bonafide等，造就今次的曲風誕生。」

+2

MV中Gladys需要穿着六吋高踭鞋，拖着鐵箱前進：「其實個鐵箱好重，但係我又要着住對勁高嘅高踭鞋去拖呢個箱，試過有幾次我出盡全身嘅力去拖，跟住唔小心跣手就成個仆咗落地下，哈哈，呢一part印象最深刻。」Gladys透露創作新歌時，腦海中浮現出一些低音節拍，源自她受驚慄電影所熏陶。