【明報專訊】電影舞蹈工作坊表演暨《美女與野獸》電影觀賞會昨日在九展舉行，一眾藝人家長與子女應邀出席，計有陳浩民夫婦、高皓正、陳琪及李霖恩等。提到電影有同性戀情節，有學校呼籲家長罷睇，陳浩民夫婦與高皓正各有不同意見。
陳浩民說：「 我哋學校無收過通知，一家人已經睇咗，可能我鑑賞能力低，睇唔到有同性戀或暗示情節。如果知道當然唔會帶小朋友睇。唔緊要啦，他們在戲院瞓了半場，可能跳過咗啲暗示情節，戲院是一個舒適的地方，好啱瞓覺。（抗拒子女睇有關同性戀的戲？）免得麻煩，多一事不如少一事。提到另一隻「馬騮精」張衛健回巢無綫拍劇？陳浩民說﹕「其實有搵過我回巢拍刻，但時間夾唔到，隨時等他們召喚。」
高皓正﹕趁機教小朋友不要歧視
高皓正知道電影中有同性戀情節，認為是好機會教小朋友不要歧視，認識世界有不同人、有不同選擇，應該從小開始教育。有否收到學校罷睇通告？他說﹕「無，知道其他學校有，會尊重各人有不同價值觀的想法，有不同聲音是好事。我不會反對或支持去睇，每個人有自己選擇。」
記者：梁榮達