高海寧（高Ling）、彭慧中（Phoebe）、陳星妤（前名：陳聖瑜）在今晚播出的《吃貨橫掃曼谷》，除了到曼谷Safari World，餵飼為食長頸鹿、猩猩上演求愛大作戰，及與貓頭鷹互動外，高Ling還邀請Phoebe到由1940年代建築改建而成的精品酒店共晉午飯，期間高Ling向Phoebe進行大逼攻，開門見山說：「我見到網上有人話覺得公司（TVB）爭你一個交代，你覺唔覺？」並指覺得Phoebe值得在事業上擁有更多，並大讚Phoebe勤力，「例如今次你知道我哋去邊，會事先上網做晒功課，等去到現場多啲嘢講，我好欣賞你呢樣嘢。」
Phoebe聞言亦快人快語回應：「好多人都係咁講，我都覺。」不過語畢，Phoebe即補充說其實只係「爭咗啲嘢」，當中包括機會，「都成12年喇，我真心講句，我覺得自己事業停滯不前。我唔想人哋唔記得我，好容易咋嘛。」高Ling聽畢即大為感觸，並強忍淚水謂：「我好明白，我都有年半冇做過嘢，啲人喺街度都會話『高Ling好耐冇睇過你嘅電視劇』。」另外星妤跟Phoebe去了曼谷酒店歎罕有的土耳其浴，二人先躺在暖笠笠的大理石上接受擦背按摩。
