張頴康同麥雅緻結婚8年，一直係圈中嘅模範夫妻，更係出名嘅廿四孝爸爸，去年更因為囡囡一句「我唔鍾意你食煙」而決心戒煙。
張頴康噚日喺IG興奮晒同家人嘅合照，表示對於自己可以成功戒煙一年，覺得好神奇，因為自己係一個做任何事都會好大癮嘅人。自言戒到煙根本係冇可能發生嘅事，所以一定要多謝家人嘅支持。佢話記得有個前輩同佢講過，「唔好同人講自己戒咗煙幾耐，應該要同人講自己根本就唔食煙」。
最後張頴康講笑話吸煙者嘅保險費真係會貴一倍，而佢做完身體檢查之後保險費會平一半，好值得。
圖片來源：張頴康＠Instagram