張敬軒昨晚（26日）Boxing Day，在灣仔會展完成第6場演唱會後，宣布初步確診新型冠狀病毒感染，按相關防疫規定要馬上接受隔離。餘下5場：2022年12月27日、12月30日、12月31日、2023年1月1日及2023年1月2日的場次（共5場）需延期舉行。
軒仔就個唱延期，在社交平台發文向樂迷致歉，留言：「對於餘下五塲嘅各位已經購票的觀眾，我覺得萬分抱歉，好多謝大家嘅支持。知道呢次有好多朋友遠道而來，或者特登撲飛，辜負咗大家一番心意真係好對唔住。我會盡快養好身體，另擇日子再續呢一次嘅奇妙旅程。」他亦向受影響的台前幕後各單位及各界朋友致歉，及再次多謝過去6場到來支持的朋友，祝大家在疫情下健康、平安，並無奈說：「避咗三年卒之都係中咗」。
英皇娛樂公告，今晚起已購票觀眾請保留相關場次門票（必需連同票根），相關的後續延期及退款安排將儘快於兩星期內公佈。主辦方英皇娛樂集團及張敬軒對是次突發事件為已購票觀眾帶來之不便深感抱歉，希望張敬軒先生能儘快康復並能與各位樂迷及觀眾見面。
至於昨晚軒仔依然落力於舞台上演出，來到最後還因為觀眾的熱情，一共Encore三次，唱《無能為力》後，歌迷繼續叫Encore，又想送禮物，不過軒仔已不似之前一樣行近歌迷收禮，只遠遠問，「咩嚟㗎？咁似避孕丸？哈哈。多謝每一位朋友，我好開心呀今晚！我剛剛先知原來今日係公眾假期補假呀？但係會展班同事都要休息啦，我都聲沙啦！樂隊呢？走埋？哈哈。」
觀眾叫他清唱，他再笑道，「不如出年又開啦……哎吔，唔會過來收禮物啦，其實我係唔掂得你哋禮物㗎，我冇載口罩，同埋我需要大家今晚返去，無論你咩宗教信仰都好，都為我祈禱，我有做快測，仲係一條線，但係今晚去到下半場，我一路標冷汗，你哋集合力量幫我，叫張敬軒唔好病好唔好呀？」沒料到軒仔一語成籤，最終都要無奈暫停今次演出。