Advertisement

平安夜開騷唱爆衫 張敬軒獲狂迷送「軒弓」

本地
2022.12.25

whatsapp-image-2022-12-25-at-13-51-22-8
張敬軒於《REVISIT演唱會》跟歌迷度平安夜,繼續送大禮之餘 ,一開場已經向歌迷派禮物 : 「一定會令大家可以渡過一個好愉快嘅2022年平安夜,叫大家放心交俾我!會展話唔收加時費!」令歌迷開心到飛起,軒公最終由9:30開場唱到零晨踏入聖誕,跟大家一起倒數迎接Merry Christmas ,更連環安歌三次至12:50分才散場,令大家滿載而歸。

whatsapp-image-2022-12-25-at-13-51-22-9

聖誕節軒公除了向歌迷派禮物,自己亦收歌迷禮物收個不停,經常於他演唱會中出現的一位搞鬼死忠男歌迷,昨晚又再出現,今次更做了一把膠雞加上雞毛掃的弓,自稱這禮物名叫「軒弓」,弓上寫上:「軒弓一發射全心」,笑死全場。軒仔笑問他 : 「又係你呀,陳生?你係咪喺TVB做道具出身?人地一箭雙鵰,你一箭一鵰,你個隻雞⋯⋯仲冇晒毛,其實鵰同雞你識唔識分?為免你引起附近觀眾不安,我收咗佢啦。你已經變成我每次演唱會嘅一幀風景啦,每次都有唔同大禮。我好想自己係觀音菩薩,有個葫蘆可以收咗你。」妙語連珠笑死觀眾。

whatsapp-image-2022-12-25-at-13-51-22-4

在唱完《 傾慕》這首歌時,軒仔忽然說:「我爆咗件衫,唔知係咪今日食多咗兩嚿雞脾原因,爆係『加拿大』嗰個位。」工作人員馬上衝上去為他解決問題。觀眾此時就大叫他 「除衫」!軒公笑道:「除衫呀?呢件衫真係要講吓,除咗唔係睇上身,係要睇下身,因為條褲係see through⋯⋯」然後他拉開外衣,讓大家清楚見到他的see through褲內,藏着若隱若現美腿,引得歌迷興奮依嘩叫鬼,狂叫他除褲,軒公笑道:「 喺咁高雅嘅時侯,唔好講呢啲嘢污辱咗呢part喇,夜啲先講啦,有味嘢夜啲講先開心⋯⋯哈哈。」

昨晚軒公一共encore三次,唱了陳慧嫻的《夜機》、宇多田光的《FIRST LOVE 》,又加送《預言書》、《雪花抄》、《我的天》、《青春常駐》、《明明明他已離開你》及《悲劇人物》,令歌迷開心不已,最後軒仔更開心預告,定下明年2023年3月將會飛去倫敦Royal Albert Hall舉行演唱會。

whatsapp-image-2022-12-25-at-13-51-22-6

聲夢傳奇 MIRROR 姜濤
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹