岑杏賢（Jennifer）2020年同張嘉俊（Kelvin）結婚，去年底囝囝出世，一家三口生活幸福美滿。自從岑杏賢喺上年9月宣布懷孕喜訊後，就開始全面停工專心養胎，唔少《愛回家》粉絲都好期待佢會後出再演女秘書Icy。至近日，有眼利網民發現岑杏賢已經喺TVB官網藝員名單下架，消失得無影無跡。
對於疑似離巢一事，岑杏賢回應了傳媒，她透露剛剛與TVB約滿，離巢一事係正確，而公司亦好尊重Jennifer呢個決定。至於未來有咩新動向，岑杏賢就話希望可以對兒童心理學研究再深入啲，同埋暫時都係會專心湊仔。入行近10年，Jennifer亦好感謝大家一直以嚟嘅支持，佢亦都好唔捨得觀眾所鍾意嘅《愛回家》Icy。而網民亦希望第時岑杏賢會戲癮發作，可以客串多一、兩集《愛回家》，等KC（歐瑞偉 飾）都有個good ending。
圖片來源：岑杏賢＠Instagram 、my TV SUPER(www.mytvsuper.com)
