陳浚霆在《愛．回家之開心速遞》飾演龍家富二代風少，在劇中經常被人攞着數，但估唔到現實中同樣被人佔便宜，日前陳浚霆在社交平台透露，發現咖啡店儲值卡被盜用，發帖尋找「盜卡者」，他表示有事想請大家幫忙，因為發現有人在咖啡店不斷用其戶口消費，「如果係你，請出聲！如果唔係，我就要報警，麻煩請幫忙。」陳浚霆表示一直沒有發現被盜用，直至最近買咖啡，店員告訴他，他得到好多獎賞，好奇自己真的有買好多咖啡？再加上有段時間，儲值卡經常唔夠錢，他每星期增值2000元，但都好快用完，便上網查看記錄，發現消費記錄好奇怪，無端端早上會在圓方買咖排，明明正在開工，但又會出現銅鑼灣買咖啡記錄，因此致電客戶服務熱線求助，很快便找到疑似盜用者。陳浚霆表示在社交平台發帖後，盜用者便自首，對方是舊同事，而使用的是對方的弟婦，對方叫他計番條數，陳浚霆直言唔識計，「到底由幾時開始用，連佢都話唔知，點計？」令他感到好無奈，唔明白何解個Code會去到一個素未謀面嘅人手上，認為此舉不大禮貌及不負責任。
更多圖輯：
