容祖兒（Joey）上周六完成19場的《Pretty Crazy演唱會》，今日（26日）爆出與王菀之叔仔Gavin So拍拖的傳聞，據說男方幾乎晚晚都到場看騷支持，更有指二人秘遊日本，令戀情甚囂塵上。
得知與「好友」傳出緋聞後， Joey今午立即澄清：「啱啱瞓醒就嚇醒啦，Gavin是我其中一個兄弟，真係唔好意思又拖咗另外一位兄弟落水，我們都是一班朋友一齊玩的，我哋絕對冇發展嘅機會，知道大家對我嘅感情未有着落都好緊張，但我有好消息一定會告訴大家的，正如我演唱會所講，我現在係single，絕對開放歡迎大家有好嘢介紹比我。」
據稱Gavin So是已婚人士，並育有一子，現任職連鎖食店高層。而Gavin與許多圈中朋友相熟，不時會參加聚會。
部分圖片來源：Gavin So@Instagram