羅天宇在劇集《婚後事》一場沙灘裸跑，自劇集開始宣傳講了成個月，終於在昨晚（14日）播出的第十四集播出。出名怕醜仔的天宇，在劇中一改固有木獨靚仔形象，豁出去飾演傻氣製作人天暉。昨晚天暉最爆笑一幕，是為了幫Mira（王敏奕飾）賭錢壯聲威，慢動作在賭神音樂襯托下霸氣登場；刻意扮型的天暉還來個「阿飛正傳」式梳頭吸睛，可惜梳到一半梳子被kick實，配以走音BGM及天宇無限尷尬的表情，場面爆笑。
之後天暉與Mira在賭枱贏大錢後，開心的Mira忘形跳入天暉懷抱送上香吻，天暉即時開心至靈魂出竅，畫面隨即轉往沙灘場景，披滿成身廁紙、手執外賣袋加魚蛋的天暉，開心地瘋狂轉圈兼傻笑；劇組更抵死地以搞笑Emoji遮蓋天暉重要部位。
相關場口天宇雖然有打底拍攝，但由於現場有很多工作人員，還有不少船駛過，令怕醜仔天宇相當難捱，更笑言自此對沙灘留下極大陰影，認真陰公。天宇轉走搞笑路線似乎相當成功，網民近乎一致好評；不過做熱血搞笑製作背後不無代價，其中一幕講述天暉為急着見Mira喪跑的場口，雖然只有約20秒，但原來天宇為了該20秒全速跑了足足10轉300米，加上大熱天時，認真辛苦！
談到與王敏奕第四度合作，天宇坦言二人相當有默契，「我哋拍呢啲Bro戲完全冇難度。當然我現實生活唔會對佢咁粗魯，我哋係大家有需要幫忙就一定會幫嗰啲（朋友）。」
