羅冠蘭與羅天宇在昨晚（6日）播出的《婚後事》妙論兩代愛情觀差異，羅冠蘭相隔5年被成功打動再次亮相無綫劇集，主因是有份參演一角的賴慰玲（Winki），二人是師徒關係，私交甚篤，羅冠蘭對Winki痛錫有加。由於Winki與劇組均覺得羅冠蘭很適合出演「花婆婆」，加上Winki渴望與師傅上演「婆孫情」，故主動向羅冠蘭力Sell角色及劇本，終成功打動羅冠蘭「出山」，間接造就了「雙羅合璧」這個無敵組合！
至於天宇的演出亦被網民大讚做戲愈來愈自然、有進步。據知為了令出名怕醜的天宇，能更放更盡地演活熱血粗魯製作人天暉，劇組拍攝期間安排天宇在鏡頭後不斷「講粗口」釋放自己。對此天宇笑言：「監製覺得我平時講嘢太斯文、細聲，語氣停頓位又比較慢，但因為天暉呢個角色粗魯兼講嘢大聲之餘，仲要有自信。為咗幫我進步角色，監製每次試戲都會叫我將啲對白加啲粗俗嘅助語詞落去、再望住鏡頭係咁讀。」
