一連4場的《姜濤Keung To 「Waves」 In My Sight個人演唱會》明晚（8月2日）起在亞博舉行，為了這次演唱會，姜濤特別製作演唱會主題曲《濤》，並於開騷前夕推出，進入最後綵排階段的姜濤，披露演唱會細節。新歌用上姜濤的名字，除了源於填詞人小克過去在《鏡中鏡》的一句歌詞「我是濤」外，其實亦因為今次演唱會的主題是「Waves（浪濤）」，但過去的作品卻未能帶出主題，姜濤說：「以往自己嘅作品都有好強烈嘅主題喺入面，所以一直都搵唔到好合適嘅歌去演繹成個演唱會主題，所以就希望寫一隻純粹關於水嘅歌，咁啱自己個名又有一個『濤』字，所以就用它作為歌名。」「濤」是水的其中一種形態，姜濤說：「水好多樣化，當中仲包含好多哲學喺入面；好想自己好似水一樣，無論喺想法、做人處事，又或者具體啲，喺做嘅歌曲音樂類型上，都一樣有好多唔同形態展現出嚟，而今次〈濤〉呢首歌，係想話俾大家聽，我會用一種好自己嘅方式，去帶動『水』，即係我自己去流動。」
據姜濤形容，《濤》是很炸場的一首歌，會聽到猶如瀑布、浪濤一樣的氣勢，姜濤說：「呢首歌就好似要話俾大家聽，我要嚟喇！」為了營造這種氣勢，今次找來合唱團演唱歌劇式的和音，副歌方面亦好易記，姜濤說：「過去作品裏面，應該未有過咁樣嘅Hook Line俾大家聽到。」說到演唱會，為了配合主題，姜濤亦嘗試不同舞種，他說：「正如水一樣，喺唔同形態有唔同嘅形狀、方式，包羅萬有，今次演唱會入面，都會用唔同曲風、舞種串連成個演唱會，所有舞種甚至溝埋一齊，唔需要特別區分。」問到他的腳患可會影響排舞，姜濤就向姜糖（粉絲暱稱）派定心丸：「Keep住有做物理治療，戴住腳箍跳舞都OK，唔使擔心！」
至於姜濤演唱會周邊產品亦於今天曝光，包括籃球（$599）、T-Shirt（3 sizes、$320）、WAVES IN MY SIGHT Boxset（$420）、Poster Set（$100）、 MIRROR Official Light Stick（$360）。
