姜濤亞博處男騷開鑼 林海峰重頒「我最喜愛男歌手」

MIRROR成員姜濤一連4場首個個人演唱會《KEUNG TO 「WAVES」 IN MY SIGHT SOLO CONCERT 2023》，今晚（2日）於亞洲國際博覽館開鑼。

演唱會8時30分準時開騷，身穿黑色長褸、挑染銀灰色頭髮的姜濤，身形瘦了一點，狀態不錯。

+11

姜濤以演唱會主題曲《濤》揭開序幕，是他首次現場演繹，接着再唱出《作品的說話》和《Master Class》；姜濤又特別翻唱鄧麗君的《我只在乎你》送給媽媽，之後有感而發：「過去一年，無論我個人還是團隊，都經歷很多矛盾，我希望可以像水一樣，有一萬種形態去接受所有批評及指點。」隨後唱出《風雨不改》與《亞特蘭提斯》。

演唱會中途突然播出叱咤頒獎禮音樂，林海峰驚喜現身，他說：「3年前疫情大家唔喺現場係咪好遺憾？今日再頒過好冇？」林海峰又話：「我唔係想頒俾你㗎，係頒俾台下面一班姜糖，佢哋先係用作品說話，點解？你問吓佢哋買咗幾多枝牙膏、食咗幾多炸雞、買咗幾多份保險？」

林海峰頒獎之後，叫姜濤要繼續努力，做真正的我最喜愛的男歌手。