吳大強(Bill哥哥)首度演繹廣告歌,並少有以搞笑、鬼馬台風演出MV,他更穿上白色西裝好醒神,以歌聲提醒大家一起正視腎臟發出的警告及定期接受檢測的重要性。
Bill哥哥在拍攝現場大展歌喉及舞步,大呼拍攝好玩:「唱歌我絕對有信心,但腎病風險都係睇今次嘅歌詞先知,原來初期慢性腎病病徵好容易被忽略,要留意蛋白尿、水腫,腹痛都可以係病徵!好在我前排休息都驗清楚曬無問題,咁先可以放心出嚟同大家見面唱歌!」Bill哥哥說:「今次我首歌都有唱,『腎病最多隱性症狀』,如搞到腎臟壓迫就真係十分懊惱。唔講唔知同腎病相關嘅疾病係香港人嘅頭6號死亡殺手,所以尤其『三高』嘅朋友,真係要定期接受尿液檢測,Check真啲家人同自己都放心喇!」