鄭裕玲（Do姐）主持的HOY TV旅遊節目《去邊啊Do姐》今晚（4日）首播，第一集Do姐與林家謙兩大著名處女座去到日本立川行市集、入住特色溫泉酒店兼食靚和牛。Do姐帶家謙到一間酒吧餐廳試菜，又請家謙飲Vodka。餐廳內有一部全球限定18部，價值2千萬日元的鋼琴，家謙非常識做，即席彈奏一曲，指名「送俾現場其中一位處女座」。
不過林家謙一路上難掩其「家mean」腹黑本性，雖然笑容滿面，不過嘴巴就好大膽，不時偷偷「窒」Do姐。二人入住特色酒店時，Do姐對環境相當滿意，挑剔的家謙面無表情回覆「OK嘅」，Do姐亦都反擊「奄尖聲悶，呢啲咁嘅處女座…」，不過Do姐都不忘補返句「女處女座同男處女座唔同嘛」。二人參觀酒店的室內溫泉時，家謙口花花邀請Do姐一齊浸溫泉，仲表示「節目組同我講可以同Do姐浸溫泉」，認真大膽。
