鄭欣宜（Joyce）今日宣布好消息，明年3月16日至18日於紅館再開騷，舉行一連三場演唱會。
拍攝演唱會海報時，Joyce以全身黑色半透視造型亮相，性感又有型，她躺在濕潤泥土上，擺出不同的甫士，非常賣力。相隔九個月再踏紅館開騷，Joyce話非常興奮和期待，上次演唱會尾場4度encore，她承諾觀眾盡快再開騷，果然言出必行。她對fans說：「我哋勾過手指尾㗎嘛，我講得出做得到，你哋呢？See you there！」
Joyce說：「今年6月在紅館舉行《BETWEEN US演唱會》，今次可以話係Part 2，因為一年內再開第二次演唱會；而今次『BELIEVE US』演唱會我將會準備更多、更精彩、更豐富嘅表演俾大家聽同埋睇。」上次紅館演唱會，Joyce跟歌迷分享內心深處的秘密，例如恐懼。今次呢？她說：「今次會回應返上次演唱會，對人生、對世界嘅一啲疑問。」
至於演唱會表演嘉賓，Joyce笑說：「我天馬行空地寫咗一個好想邀請嘅嘉賓list，大約二十幾位，日前開會時，我輕輕講咗幾個人名，啲同事嘅反應係『嘩』！嘻嘻，我唔知係覺得我黐線，定係我諗嘅嘉賓黐線呢？哈哈！」至於歌單，Joyce用「不得了」來形容，她說：「梗係不得了啦，雖然我哋只係相隔唔夠一年再開騷，但我好榮幸地多咗好多新歌和新project，會有更多好歌同大家分享。」