2021年版《十月初五的月光》最新播出，不少觀眾都將焦點放喺由胡鴻鈞飾演嘅初哥哥身上，甚至將佢同張智霖2000年版《十月初五的月光》作出比較。胡鴻鈞接受《明周》訪問時表示一早預咗，但其實新版都係值得一睇，就如初哥哥 （胡鴻鈞飾）同貴芳 （楊玉梅飾）相認一幕，唔知文初開口講嗰兩隻字有冇感動你呢？
劇情說到初哥哥喺偶然機會下重遇生母，一輪掌摑之後，文初仍不放棄與貴芳盡訢心中情，但即將再婚的貴芳不願意與他相認，更直言：「媽媽唔會認返你架。」直至啞巴文初終於能開口說出「媽媽」二字，兩母子感動得相擁齊泣。
久未拍劇的楊玉梅早前接受傳媒訪問，她透露曾向劇組拒絕邀請演貴芳一角，因為呢個媽媽太衰太狠心。幸好最後佢回心轉意，大家先睇到咁感動嘅一幕。
圖片來源︰my TV SUPER(www.mytvsuper.com)
