Advertisement

刑偵日記|雨中肉搏效果逼真 吳沚默被惠英紅演技震懾

本地
2021.06.30

006

無綫新劇《邢偵日記》前晚(28/06)首播,惠英紅的超班演技引起網民的熱烈討論,昨晚播出第二集,劇情講述紅姐飾演的楊碧芯到精神病院當助護,以便照顧因受驚失常的女兒葉朗晴(戴祖儀飾演),期間因目睹朗晴被同病房的馬詠(吳沚默飾演)數度騷擾,於是出手「對付」馬詠,既揪她頭髮,又令其敏感症發作。紅姐在短短幾多鐘內演繹多種不同神態,加上凌厲的眼神,令不少網民感覺心寒,「完全唔似睇緊電視劇,睇緊電影咁」、「紅姐的神級演技非常壓場」、「紅姐真係好恐怖!驚驚。」

點擊放大睇第二集精彩截圖:

楊碧芯與馬詠的恩怨情仇,接着還有後續發展,無綫官方facebook頻道今日發布預告及拍攝花絮,兩人在雨中肉搏,因為演得太投入,連攝影師也被殃及池魚,多次「被襲」。紅姐向來疼惜後輩,在拍攝期間不斷指導沚默如何減少受傷的機會,令沚默很感動,「我同紅姐好多場都有肢體碰撞,因為已經好信任佢,知道佢一定會保護我。譬如話頭先跌落地嗰吓,佢教我要鎖住條頸,等個膊頭先落地,咁個頭就唔會撞到地面。頭先我好緊張,因為紅姐做啲反應好真,叫得好淒厲,跟住我真係以為自己整痛佢。」


點擊放大睇更多惠英紅於《刑偵日記》的精彩劇照:

陳卓賢 MIRROR 星級企業大獎2020
人氣 TRENDING
王力宏 梅艷芳 李靚蕾 姜濤 MIRROR ERROR 張家朗 香港小姐 聲夢傳奇 炎明熹